SUICERUS Joh. Casparus

SUICERUS Joh. Casparus

Tigurinus, Theologus et Philologus insignis. Natus A. C. 1620. studiorum in patria cursu emensô. Galliam lustravit A. C. 1640. ---- 1642. ubi Salmuri Amyraldum, Capellum, Placeum: et Montalbani, Garissolium ac Carolum audiit. Inde redux et laboribus in schola Tigurina consecratus, plerosque Scriptores Eccles. Graecos evolvit, Thesaurô Ecclesiasticb Graecô-Latinô septem in folio tomis constante, viginti annorum spatiô inde collectô: Symbolum Nicaeno-Constantinopolitanum prolixô satis commentariô ex antiquitate Eccles. illustravit. Totus nunc a tribus annis est in conscribendo Lexico Graeco-Latino, Postquam iam edidit Sacrarum Observationum librum, Miscellanea Graeco-Latina ex Chrysestomo, Basilio, Nazianzeno collecta, cum Paraphrasi Ionae, N. T. Syllogen cum Prosodia, etc.

Hoc Argos, claraeque habitant in pectore Athenae,

Et quidquid Patrum conditur historiâ.